Поздравление главы Администрации МР Бурзянский район Абдуллина Р.М. с Международным женским днем

Ҡәҙерле һәм һөйөклө ҡатын-ҡыҙҙар! Һеҙҙе яҙҙың иң матур байрамы – Халыҡ-ара катын-ҡыҙҙар көнө менән ҡайнар ҡотлайым!

Ҡәҙерле һәм һөйөклө ҡатын-ҡыҙҙар! Һеҙҙе яҙҙың иң матур байрамы – Халыҡ-ара катын-ҡыҙҙар көнө менән ҡайнар ҡотлайым! Элек-электән ҡатын-ҡыҙ образы беҙҙең халыҡта әхлаҡи идеал булған, юҡҡа ғына гүзәллек һәм аҡыл, түҙемлек һәм сабырлыҡ, наҙ һәм һөйөү кеүек мөһим төшөнсәләрҙе ҡатын-ҡыҙ образына бәләмәйҙәр. Тап ҡатын-ҡыҙ тормошобоҙҙо йәмләй, йорт йылыһын, ғаилә усағын һаҡлау менән бер рәттән, районыбыҙҙың төрлө өлкәләрендә тырышып хеҙмәт итә. Ошо матур байрам көнөндә беҙ ғаилә усағын һәм именлеген һаҡлаған әсәй-өләсәйҙәргә, тормош юлдаштарыбыҙға, апай-һеңлеләргә, ҡыҙҙарыбыҙға, ғөмүмән, барлыҡ гүзәл зат вәкилдәренә сикһеҙ ихтирамыбыҙҙы һәм рәхмәтебеҙҙе белдерәбеҙ. Бөйөк Ватан һуғышы йылдарында үҙҙәрен аямай алышҡан ветеран ҡатын-ҡыҙҙар, районыбыҙ өсөн тырышҡан тыл ветерандары алдында баш эйәбеҙ. Изгелекле, сабыр һәм оло йөрәкле булыуығыҙ менән ғорурланабыҙ. Хөрмәтле ҡатын-ҡыҙҙар! Матур яҙғы байрам көнөндә Һеҙгә иң изге теләктәр яңғыраһын, һәр ваҡыт яҡындарығыҙҙың йылыһын һәм һөйөүен тойоп йәшәргә яҙһын. Һәр көнөгөҙ шатлыҡ-ҡыуаныстар алып килһен, ә ир-егеттәрҙән, Һеҙгә ҡарата, тик һөйөү һәм рәхмәт һүҙҙәре генә яңғыраһын! Бөрйән районы муниципаль район Хакимиәте башлығы Р.М. Абдуллин

Источник

Предложить новость